كشف النجم أحمد حلمي، عن حقيقة الشائعات المتداولة مؤخرًا والتي تتحدث عن توجيهه لرسالة الى محمد رمضان بطريقة غير مباشرة وذلك بعد شراء الاخير لسيارتين فارهتين .
ووضح احمد حلمي من خلال صفحتة الشخصية على فيسبوك قائلًا : “أعزائي الكرام.. توضيح بسيط وسريع بخصوص ما حدث بعد نشر الصورة بتاعتي وانا راكب العربية الميني القديمة اللي كانت معايا في فيلم “ظرف طارق”.. واللي الناس فهمت إنها بغرض إني بوجه رسالة لزميلي الفنان محمد رمضان وهذا ما أحزنني كثيرا”.
وتابع : “يا جماعة أنا لو عايز أوجه رسالة لأي حد أعرفه كويس أو حتى معرفوش مش هاعمل كده على مواقع التواصل الاجتماعي.. لأني عمري ما عملت كده أبدا لأني ببساطة ممكن أبعتله رسالة على موبايله أو هاكلمه في التليفون”.
واضاف : “فسروها بالطريقة دي مع إنه فعلا ما يخصش حد خالص غير واحد صاحبي هو الوحيد اللي هايفهمه، لأني قايله بسبب موقف طريف حصل معانا وليه علاقة بالعربية الميني.. علشان كده نهيت الكلام المكتوب بـ”ده كلام في سرك.. ششش”.
واختتم “حلمي” كلامه قائلا: “زميلي العزيز محمد رمضان.. ربنا معاك ويوفقك دايما وتحقق كل اللي نفسك فيه في حياتك الفنية”.
