كتبت السيدة ميرنا ورديني، شقيقة الشهيد الياس ورديني، على صفحتها الخاصة على موقع "فايسبوك" رسالة مؤثرة، قالت فيها: "بدي اتوجه بكلمة صغيرة لكل الأصدقاء لكل العالم، انا اليوم شخصيا عم اكتب، أخت الشهيد البطل الياس وارديني، بدي شير، هالشهادة هي قضية، رغم كل الاٍرهاب بالعالم، نحن ما منخاف من الارهاب نحن بالمرصاد، نحن منموت تنحيا ارواح .... كلنا رايحين، بس موته بالذات ظاهرة تنستيقظ وتنصرخ  ونقول ان النخوة والشهامة ما زالت موجودة ...."

وأضاف: "احذروا أيها الإرهابيين الكفرة، يلي صنع السمّ لح ياكلو .... هيدا القلب اللي اختارو ربنا هو إنذار.... ما في شي بيعوض خسارة خيي وابني وبيي وحبيبي، بس في شي يعزيني انو ايلي ملاك وبطل وشهيد العطاء والحب .... الله يرحمك يا بطل .... فاحذروا نحن قوم لا نركع الا تحت اقدام المسيح ....ونحن قوم بالذات لا نخاف الارهاب ...."

وختمت بالقول: "لح اشتقلك يا ملاك الاشرفية ملاك النخوة ..."